شنبه, ۲۵ مهر ۱۳۹۴، ۰۸:۲۶ ب.ظ
گلایه امام حسین (ع) به اهل کوفه(به زبان لری)
هَیجار(فریاد)
- به اهل کوفه او فِشاند هَیجار که نی بینم به دشت کربلا یار
- که اَی مردم نوشتین و اُوَیدُم به دشت غم بُهون و مالِ زَیدُم
- اُوَی هیجده هزار از نامه هاتون کُجِه رَه عهد و پیمون وفاتون
- پیابُو هین اَیَر نیدین مسلمون پیا اینِه سرِ پیمون خُس جون
- مَیَر رَهدِ ز ویر عهد وفاتون حَرُم اَبو به ایسا شیرداتون
- نوشتین زیر بار زور تا کی به حکم کافر دل کور تا کی
- نوشتین مردم کوفه به میدون به خُکمِت ایدِهِن مال و کُر و جون
- گُدین دینِ مسلمونی نَمَندِه کُرِ شیطون به کوفه سایه وَندِه
- نوشتین وا هزارون عهد و پیمون زتو وَیدِن ، زِایما دادن جون
- گُدین ایخوا بُوُره رشِتِن دین یزید ایخوا نَبوُهِه دین و آئین
- نوشتین بُم یزید چی گرگ هاره به زون مار و سیلا ای دِراره
- به فتنه بَو با واسُ هر چه داره بَرِه بالِ اَوُ تِشنه اِیارِه
- نوِشیتِن بُم به جنگ دِشمنِ و دین همه و اسب و زین دگرز و کُردین
- سه وارگَه ره ایاهیم و اُنهاتون اِنیم مِن هر دوتیمون جایِ پاتون
- نوشتین بُم یزید ایمون نداره به بزمِس منکرات بی شماره
- به دَو رونس مسلمون خوار و زاره خُوِیّ و گَوگَری بی اعتباره
- نوشتین وُر سر تخت سلیمون نشسته دیو لیش و ایدِه فرمون
- نوشتین باغ دین پر خار آبید نگهبونس هَفین و مار آبید
- نوشتین وارثِ کَوگِ بهاری یَهَو آبید کَلایِ مُرده خواری
- نوشتین و نوشتین و نوشتین نهال ننگ و بَدعهدی نِه کِشتین
- کُر مرجانه تا اُوَی به کوفه لوای حکم ناحق زَی به کوفه
- هَمَی تُون عهد و پیمون اِشکِنادین فُرودین دین و نرخ بد نُهادین
- به تیگِ کوفه تا روز قیامت نُهادین داغ ننگ و داغ نفرت
- بریدین دل به نادونی زَافتَو جَم آبیدین به دَورِ کِرمِ شَوتَو
- فروردین دین و ایمون خَتونَ فروردین جوهر جون خُتونَ
